Педри «Реал»га қарши ўйин ҳақида фикр билдирди
«Барселона» яримҳимоячиси Педри Мадриднинг «Реал» клубига қарши бўладиган навбатдаги «Эль Класико» олдидан ўз фикрларини билдириб ўтди.
Унинг таъкидлашича, бу сафар «қироллик клуби» аввалги учрашувларга нисбатан кўпроқ қаршилик кўрсатиши кутилмоқда.
«Ўтган мавсумдан фарқли ўлароқ, бу сафарги «Эль Класико» икки босим ўтказувчи жамоа ўртасидаги тенг кураш бўлади, деб ўйлайман. Флик қўл остидаги принципларимизга содиқмиз — ҳар доим прессинг қилишга, тўпни назорат қилишга интиламиз.
Энди биз «Реал»дан ҳам шунга ўхшаш ўйин кутяпмиз, айниқса «Сантьяго Бернабеу»да. Бу мавсум улар барча учрашувларда илк дақиқаларданоқ фаол прессинг қиляпти», — деди Педри.
Эслатиб ўтамиз, «Реал» ва «Барселона» ўртасидаги бугунги баҳс Тошкент вақти билан соат 20:15 да старт олади.
