«Барселона»га қарши ўйинда Винисиуснинг ўзини тутиши «Реал» раҳбариятида норозилик уйғотди
«Эль Класико»даги алмаштирилишдан кейин Винисиус Жуниорнинг реакцияси «Реал» футболчилари ва раҳбариятида норозилик уйғотди. Бу ҳақда Mundo Deportivo нашри хабар бермоқда.
Манбага кўра, «Барселона»га қарши ўйинда (2:1) бразилиялик вингер 72-дақиқада захирага олинди ва бош мураббий Хаби Алонсо қароридан очиқчасига норози бўлди.
Клуб ичида бу ҳолат жамоа сардорларидан бири бўлган футболчига ярашмайдиган хатти-ҳаракат сифатида баҳоланган. Таъкидланишича, Винисиуснинг бундай ҳолати илк бор кузатилаётгани йўқ.
Ўйиндан сўнг Алонсо шундай деди:
«Ҳар бир футболчининг ўз характери бор. Бундай масалалар жамоа ичида ҳал этилади».
«Реал» раҳбарияти мураббий позициясини тўлиқ қўллаб-қувватлаган ва унинг исталган интизомий чораларини маъқуллашга тайёр. Шунга қарамай, клуб ичида Винисиуснинг ўриндиққа ўтирган дақиқаси бироз эрта бўлганини тан олишмоқда.
