Винисиус: «Мен «Реал»ни тарк этаман, шуниси маъқулроқ»

Испания Ла Лигаси

26.10.2025, Як.

Реал Мадрид

2

Барселона

1

Мадриднинг «Реал» клуби вингери Винисиус Жуниор «Барселона»га қарши Ла Лиганинг 10-тур учрашувидаги алмаштирилишдан сўнг жамоани тарк этиш истагини билдирган. Бу ҳақда DAZNга таянилиб, Marca нашри хабар бермоқда.

Манбага кўра, Винисиус 72-дақиқада заҳирага олинганини билган заҳоти норозилик билдирган, кийиниш хонасига кетаётганда эса:

«Мен бу жамоани тарк этаман... Кетаман, менга шуниси маъқулроқ», — деган сўзларни бир неча бор такрорлаган.

Маълумот учун, Винисиус 2018 йилдан буён «Реал»да тўп суради. Шу вақт мобайнида у уч карра Испания чемпиони ва икки карра Чемпионлар лигаси ғолиби бўлган. Унинг мадридликлар билан тузган амалдаги шартномаси 2027 йилнинг ёзида якунга етади.

Насрулло Каримов

Журналист