«Нитса»нинг икки нафар футболчиси мухлислар ҳужумчи оқибатида жароҳат олди
«Нитса» футболчилари Жереми Бога ва ҳужумчи Теремас Мофи мухлислар ҳужуми оқибатида жароҳат олди. Бу ҳақда RMC Sport хабар берди.
Душанба куни ўтказилган тиббий кўрикдан сўнг Бога беш кун майдонга чиқа олмаслиги, Мофи эса якшанбагача шифохона варақасида қолиши маълум қилинди.
Ҳодиса якшанба оқшомида, Лига 1’нинг 14-туридан ўрин олган «Лорян»га (1:3) қарши ўйиндан кейин «Нитса»нинг машғулот базаси яқинида юз берган. Жамоанинг кетма-кет олти мағлубиятидан норози бўлган тахминан 400 нафар мухлис футболчилар билан суҳбатлашиш учун тўпланган.
Футболчилар автобусига бир мухлис киритилган, бироқ у тез орада футболчилардан транспортни тарк этишни талаб қилган. Ташқарига чиққанларидан сўнг футболчилар ҳақорат қилина бошланган ва айрим ўйинчиларга мухлислар томонидан жисмоний ҳужум ҳам содир этилган.
Франция чемпионатининг 14 та ўйинидан сўнг «Нитса» 17 очко билан турнир жадвалида 10-ўринни эгаллаб турибди.
