Месси: «Рекордлари мени қизиқтирмайди»
Мессининг Америка клуби билан амалдаги шартномаси 2028 йилнинг охирига қадар мўлжалланган.
Футбол
Фото: Getty Images
«Интер Майами»нинг 39 ёшли ҳужумчиси Лионель Месси фаолиятидаги 937-голи ҳақида ўз фикрларини билдирди.
Аргентиналик футболчи МЛС мунтазам чемпионати доирасида «Нью-Инглэнд Революшн»га қарши ўтган учрашувда (2:1) гол муаллифига айланди.
«Фаолиятимдаги 937-гoлни урдимми? Вау, жиддийми? 1000 та голга етиш учун ҳаракат қиляпманми? Йўқ, мен ҳеч қандай рақамни қувмаяпман. Доим рекордлар мени қизиқтирмаслигини айтганман. Мен шунчаки футболдан завқ олишни истайман», — деди Месси учрашувдан кейин.
Аргентиналик юлдуз жорий мавсумда «Интер Майами» сафида 33 та учрашувда майдонга тушиб, 29 та гол урди ва 16 та голли узатмани амалга оширди.
Мессининг Америка клуби билан амалдаги шартномаси 2028 йилнинг охирига қадар мўлжалланган.
