Лига 1. «ПСЖ» сафарда «Брест»ни йирик ҳисобда мағлуб этди
Франция чемпионатининг 9-туридан ўрин олган баҳсда «ПСЖ» сафарда «Брест» меҳмони бўлди ва йирик 3:0 ҳисобида ғалаба қозонди.
Дастлаб Ашраф Ҳакими 29-дақиқада парижликларни олдинга олиб чиқди. 39-дақиқада марокашлик футболчи дублни расмийлаштирди.
59-дақиқада «Брест» ҳисобни қисқартириши мумкин эди, бироқ Ромен Дел Кастийо пенальтидан фойдалана олмади. 90+6-дақиқада эса Дезире Дюе ҳисобни йирик кўринишга олиб келди.
Шу тариқа, «ПСЖ» ушбу ғалабадан сўнг ўз очколари ҳисобини 20 тага етказиб, Лига 1 турнир жадвалида пешқадамлик қилмоқда. «Брест» эса 9 очко билан 12-ўринда бормоқда.
Лига 1. 9-тур
«Брест» — «ПСЖ» 0:3
Голлар: Ҳакими (29, 39), Дюе (90+6).
Брест — Маески, Лала, Диас, Кулибали, Локо (Гиндо, 79), Шотар, Магнетти (Макалу, 78), Эбимбе (Тузар, 67), Дел Кастийо (Зогбе, 90+3), Мбуп (Балде, 67), Ажорк.
ПСЖ — Шевале, Ҳакими, Забарний, Пачо (Маркиньос, 67), Эрнандес, Заир-Эмери, Витинья, Ли Кан (Дембеле, 67), Кварацхелия (Дюе, 70), Барколя (Рамуш, 79), Майулу (Нжану, 79).
