Лазиз Мирзаев «Локомотив» билан машғулот ўтказмоқда
Ўзбекистон ёшлар терма жамоаси ва Испаниянинг «Леганес» клуби футболчиси Лазиз Мирзаев ҳозирда Тошкентнинг «Локомотив» жамоаси билан биргаликда машғулотлар олиб бормоқда.
Uzbekistan Legionaries каналидаги ҳамкасблар Мирзаев билан суҳбатлашиб, унинг режалари ҳақида сўрашди:
— Менда «Леганес» билан амалдаги шартнома бор. Якшанба куни Испанияга йўл оламан. Мавсумни қаерда бошлашим ҳозирча аниқ эмас — вақт кўрсатади. Айни пайтда эса «Локомотив» раҳбарияти, мураббийлари ва футболчиларига менга машғулот ўтказиш имконини бергани учун миннатдорлик билдираман.
— «Леганес»га ўтгандан кейин расмий ўйинларда қатнашмадингиз.
— Мен Испанияга жароҳат билан борганман. Тўлиқ тикланиш учун вақт керак бўлди, лекин ўртоқлик ўйинларида иштирок этдим. Кейин Осиё чемпионатига жўнаб кетдим. У ерда яна жароҳат олдим. Ватан учун ўйнаётганда ҳеч қандай баҳона бўлиши мумкин эмас. Кейин клубга қайтиб, тикланишни давом эттирдим. Насиб қилса, ҳаммаси яхши бўлади. Европа — ҳар бир футболчининг орзуси, лекин у ерда ўзини кўрсата олиш ҳамманинг ҳам қўлидан келавермайди.
