Компани машғулот пайтида ҳушидан кетиб, шошилинч равишда шифохонага олиб кетилди
«Бавария» бош мураббийи Венсан Компани машғулот вақтида ҳушидан кетганидан сўнг тез ёрдам машинасида Мюнхендаги шифохонага олиб кетилди. Бу ҳақда Sky Sport Germany хабар бермоқда.
Аввалроқ клуб базасига вертолёт қўнгани ҳақида хабар берилган эди.
Ўтган ҳафта белгиялик мутахассис вирусли инфекцияга чалинганди. 17 октябрь куни «Лейпциг»га қарши учрашув вақтидаги танаффусда ва ўйиндан кейин Компани мураббийлар хонасида дам олган, шунингдек, матбуот анжуманида ҳам иштирок этмаган.
Қайд этилишича, Венсандаги инфекция аввалдан мавжуд бўлган чандиқ тўқималари билан боғлиқ муаммоларни келтириб чиқарган.
Эслатиб ўтамиз, «Бавария» Бундеслиганинг 7-турида 25 октябрь куни ўз майдонида «Фрайбург»га қарши ўйнайди. Мураббийнинг соғлиғи ва жамоа учрашувига таъсири ҳақида ҳозирча қўшимча маълумот берилмаган.
