2-апрел куни Суперлигнинг 1-туридан қолдирилган ўйин бўлиб ўтади
2-апрел куни соат 19:30 да Ўзбекистон Суперлигасининг қолдирилган учрашувини кўришимиз мумкин. Ўйин март ойининг бошида ўтказилиши керак эди, аммо «Пахтакор» футбол клуби Осиё Чемпионлар лигасида иштирок этгани сабабли, учрашув апрел ойининг бошига кўчирилди.
Тошкент клуби «Машъал» билан куч синашади. Иккала жамоа ҳам Суперлига якуний жадвалининг қуйи қисмда жойлашган. «Машъал» 11-ўринда, «Пахтакор» эса 15-поғонада турибди. Икки клуб ҳам Суперлигини унча муваффақиятли бошлай олмади. Қашқадарё клуби бир ғалаба ва бир мағлубият эвазига 3 очко тўплаган. «Пахтакор» эса дастлабки икки ўйинда ҳам мағлубиятга учради ва очкосиз қолди. Учрашув «Муборак» стадионида бўлиб ўтади.
Ўзбекистон Суперлигасининг 4-тури 4-апрел куни старт олади.
Турнир жадвалида 9 очко билан «ОКМК» клуби пешқадамлик қилмоқда.
