2-aprel kuni Superliganing 1-turidan qoldirilgan o‘yin bo‘lib o‘tadi
2-aprel kuni soat 19:30 da O‘zbekiston superligasining qoldirilgan uchrashuvini ko‘rishimiz mumkin. O‘yin mart oyining boshida o‘tkazilishi kerak edi, ammo «Paxtakor» futbol klubi Osiyo Chempionlar ligasida ishtirok etgani sababli, uchrashuv aprel oyining boshiga ko‘chirildi.
Toshkent klubi «Mash’al» bilan kuch sinashadi. Ikkala jamoa ham Superliga yakuniy jadvalining quyi qismida joylashgan. «Mash’al» 11-o‘rinda, «Paxtakor» esa 15-pog‘onada turibdi. Ikki klub ham Superligani uncha muvaffaqiyatli boshlay olmadi. Qashqadaryo klubi bir g‘alaba va bir mag‘lubiyat evaziga 3 ochko to‘plagan. «Paxtakor» esa dastlabki ikki o‘yinda ham mag‘lubiyatga uchradi va ochkosiz qoldi. Uchrashuv «Muborak» stadionida bo‘lib o‘tadi.
O‘zbekiston Superligasining 4-turi 4-aprel kuni start oladi.
Turnir jadvalida 9 ochko bilan «OKMK» klubi peshqadamlik qilmoqda.
