«Барселона» Алварес иши бўйича жаримага апелляция беради — Маrcа
Можаро каталонияликларнинг Хулиан Алварес билан музокаралар олиб боргани билан боғлиқ.
Футбол
Фото: Getty Images
«Барселона» «Атлетико» ҳужумчиси Хулиан Алварес билан олиб борилган музокаралар бўйича тайинланган 602 евро миқдоридаги жарима юзасидан апелляция бермоқчи. Бу ҳақда Маrcа нашри хабар берди.
Манбага кўра, каталонияликлар учун масала жарима миқдорида эмас, балки клубнинг принципиал позициясида. «Барселона» раҳбарияти ўз ҳаракатларида ҳеч қандай қоидабузарликка йўл қўйилмаганини таъкидлаб, қарорга рози эмас.
Нашр хабарида айтилишича, клуб ушбу жаримани «кулги уйғотадиган даражада арзимас» деб ҳисоблайди. Шунга қарамай, «Барселона» маънавий ва принципиал сабабларга кўра уни тўлашни истамаяпти. Каталонияликлар ўз ҳаракатлари қонун-қоидаларга мос бўлганини таъкидлаб, қарор устидан шикоят қилишга қарор қилган.
