Пол Погба ўз касбини ўзгартирди
Франция терма жамоаси билан жаҳон чемпионлигини қўлга киритган Пол Погба ноодатий ролда кўриниш берди. Машҳур футболчи Америка футболи бўйича NFL учрашувида профессионал камера билан суратга олаётгани акс этган видео орқали мухлислар эътиборини тортди. Бу ҳақда AS нашри хабар бермоқда.
Манбага кўра, воқеа 25-октябрь куни Париждаги “Стад де Франс” стадионида бўлиб ўтган “Питтсбург Стилерс” ва “Нью-Орлеан Сэйнтс” жамоалари ўртасидаги учрашувда юз берган. Погба махсус медиа нимчасини кийиб, профессионал фотографлар қаторида майдон четида фаолият олиб борган.
Франциялик футболчи катта объективли фотоаппарат ёрдамида учрашув олдиданги жараёнларни суратга олган. Унинг камера билан ишлаётгани акс этган кадрлар ижтимоий тармоқларда тарқалиб, мухлислар орасида қизиқиш уйғотган. Бироқ Погба футболчилик фаолиятини якунлагани йўқ. У ушбу тадбирда ўзини вақтинча фотограф сифатида синаб кўрган.
Маълумот учун, Погба 2018-йилда Франция терма жамоаси билан жаҳон чемпиони бўлган. Парижда ўтказилган учрашув эса NFL тарихида Франция ҳудудида ташкил этилган илк мунтазам мавсум баҳси сифатида қайд этилди. Унда “Питтсбург Стилерс” “Нью-Орлеан Сэйнтс”ни 16:10 ҳисобида мағлуб этди.
