Асрор Алиқулов: «Зич ўйнаш ҳозирги Суперлигада талаб этилаётган ҳолат»
Суперлиганинг 9-туридан ўрин олган "Машъал" - "Қизилқум" (2:2) учрашувидан сўнг мезбонлар бош мураббийи Асрор Алиқулов матбуот анжуманида иштирок этди.
"Учрашувни яхши бошладик. "Қизилқум" жамоасини ўрганиб чиққандик, таркибида бўйдор футболчилар кўп. Улар ва бизнинг ҳужум имкониятларини чамалап чиқдик. Айтиб ўтганимдек, ўйинни яхши бошладик, биринчи бўлиб гол урдик. Иккинчи бўлим бошида сусткашликларга йўл қўйдик. Ҳимояда қўпол хатога йўл қўйдик. Охиригача курашдик ва гол урдик. Дуранг ҳам назаримда ёмон натижа эмас.
- "Қизилқум"да ишлагансиз, биламиз. Шунидан келиб чиқиб, бу жамоани ўрганиш сизга қийинчилик туғдирмадими?
- Бу ҳақида ўйламадим. "Қизилқум"нинг таркиби жуда кучли. Мен кўрган таркиб деярли ўзгариб кетган. Рақиб якка курашларда кўпроқ устунликка эга бўлди.
- Муртозаев ва Машович 2 тадан гол уришди. Қайси футболчини кучлироқ деб ҳисоблайсиз?
- Менинг футболчим кучли (кулади). Бақувват, майдонда агрессив ҳаракат қилади. Охирги ўйинларда янада яхши ўйнаяпти.
- Жамоа томонидан 9 та ўйинда 6 та гол киритилди. Бу кам эмасми?
- Кўп гол ҳам ўтказиб юбордик. Кейин кам гол ураяпмиз. Ҳозир кийиниш хонасида ҳам айтдим, зич ўйнаш ҳозирги Суперлигада талаб этилаётган ҳолат", - дейди мутахассис
