Асрор Алиқулов: \"Танаффусдан сўнг тезкорлик қўша олдик\"
Суперлига 8-туридан ўрин олган "Бухоро" – "Машъал" (1:2) қарама-қаршилигидан кейин ғузорликлар бош мураббийи Асрор Алиқулов матбуот анжуманида иштирок этди.
"Бундай пассив ўйин намойиш этиш мақсадимиз йўқ эди. "Бухоро" ҳимояга ётиб олди, биз эса тўп билан жуда пассив ҳаракат қилдик. Ҳимоячиларимиз кўп хатоларга йўл қўйди.
Биз кеча Тошкентга етиб келдик ва узоқ йўл босиб келганимиз футболчиларга таъсир қилди. Иккинчи бўлимда эса ҳаво янада салқинлашди. Футболчилар ҳам анча енгиллашиб олишди. Танаффусдан сўнг тезкорлик қўша олдик. Ислом Баратов ўйинга яхши қўшилди. "Бухоро" эса ўз услубини ўзгартиргани йўқ. Биз эса вазиятлар яратишга интилиб, якунда қийин ғалабага эришдик.
Машғулотлар ва ўйиндаги жараённи инобатга олиб, асосий дарвозабон ким бўлишини танлаймиз. Умид бир нечта учрашувдан буён асосий таркибдан жой олмоқда ва ишончли ўйин намойиш этмоқда. Дастлабки турларда Дўстонбек Тўхтабоевга имконият берган эдик. Дўстон ҳам яхши учрашувлар ўтказди. Икки дарвозабонимиз ҳам асосий. Дарвозабонлар мураббийи билан маслаҳатлашган ҳолда қайси посбонга имконият беришни ҳал қиламиз", – дейди мутахассис
