Альмейда: «Мен сиркдаги масхарабоз эмасман»
«Севилья» бош мураббийи Матиас Альмейда Испания Ла Лигасининг 17-тури доирасида Мадриднинг «Реал» клубига қарши ўтказилган учрашувдаги (0:2) ҳакамликни кескин танқид қилди.
Беллашувда бош ҳакам вазифасини Алехандро Мунис Руис бажарди. 68-дақиқада ҳимоячи Маркан иккинчи сариқ карточкасини олиб, майдондан четлатилди, учрашув якунда эса Альмейданинг ўзи ҳакам билан баҳслашгани учун қизил карточка олди.
«Мен сиркдаги масхарабоз эмасман. Футболда тажрибага эгаман. Эркак сифатида ҳам тажрибага эгаман. Қизил карточка мени ранжитди ва бу ҳақда гапиришга мажбурман, акс ҳолда ҳакамни ҳақорат қилди дейишади.
Бугун ҳакам жуда ёмон ишлади. «Реал»ни ғалаба билан табриклайман, улар бундан фойда кўрди демайман. Аммо бундай даражадаги ёмон ҳакамликка қаршиман. Айнан шу сабабли майдондан четлатилдим.
Ҳакам менга улар билан ҳурматсиз гаплашишимдан чарчаганини айтди. Агар ҳурматсизлик бўлса — гаплашайлик. Агар қўполлик бўлса — гаплашайлик. Менда қадриятлар бор», — дейди Альмейданинг сўзларини ESPN келтиради.
Испания чемпионатининг 18 туридан сўнг Мадриднинг «Реал» клуби 42 очко жамғарган ҳолда турнир жадвалида иккинчи ўринда бормоқда. «Севилья» эса 17 ўйиндан кейин 20 очко билан 10-поғонада жойлашган.
