O'zbekiston AAGC uchunchi bosqichdan so'ng Osiyo yetakchilari qatoridagi o'rnini saqlab qoldi
O‘zbekiston jamoasi erkaklar va ayollar juftlik bahslarida ikkinchi o‘rinlar uchun, shuningdek, milliy federatsiyalar hisobida — Best ASN yo‘nalishida uchinchi o‘rin uchun kuboklarni qo‘lga kiritdi.
Sportchilarimizning natijalari:
Erkaklar juftlik bahslari — 2-o‘rin: Dilshod Yusupov va Olim Axmadjanov
Ayollar juftlik bahslari — 2-o‘rin: Sabina Yusupova va Samina Axmadjonova
Aralash juftlik bahslari — Dilshod Yusupov va Sabina Yusupova, 4-o‘rin
Erkaklar yakkalik bahslari — Dilshod Yusupov, 6-o‘rin
Bosqich yakunlariga ko‘ra, O‘zbekiston chempionatning umumiy hisobida ikkinchi o‘rinni saqlab qoldi.
Chempionat yakuniga qadar Tailand va Taybeyda o‘tkaziladigan yana ikki bosqich qoldi. Ushbu bosqichlarda mavsumning yakuniy o‘rinlari uchun kurash davom etadi.
Sportchilarimizni va butun jamoamizni erishilgan natijalar bilan tabriklaymiz.
