Superliga. Qoldirilgan o'yinda “Xorazm” “Qizilqum”ga hech qanday imkoniyat qoldirmadi
FОТО: QIZILQUM PFK
O‘zbekiston Superligasi
06.06.2025, Yak.
Qizilqum
0
Xorazm
3
O'zbekiston Superligasining 4-turidan o'rin olgan qoldirilgan bahsda “Qizilqum” va “Xorazm” o'zaro to'qnash keldi va yakunda mehmonlar yirik 3:0 hisobida g'alaba qozondi.
Dastlab, hisob 11-daqiqada Humoyunmirzo Iminov tomonidan ochildi (0:1). 41-daqiqada Murodbek Bobojonov jamoasining ikkinchi goliga mualliflik qildi (0:2).
Ikkinchi bo'limga qo'shib berilgan daqiqalarda esa Hazratjon Tursunqulov uchrashuvga mantiqiy nuqta qo'ydi.
Shu tariqa, “Xorazm” ushbu g'alabadan so'ng o'z ochkolari hisobini 14 taga yetkazib, 8-o'ringa ko'tarilib oldi.
O'zbekiston Superligasi | 4-tur
“Qizilqum” 0:3 “Xorazm”
Gollar: Humoyunmirzo Iminov 11' (0:1), Murodbek Bobojonov 41' (0:2), Hazratjon Tursunqulov 90+2' (0:3).
Chetlatish: Jambuli Jigauri 75' (“Qizilqum”).
Nasrullo Karimov
Jurnalist
