Superliga. “Dinamo” safarda “Paxtakor”ni mahv etdi
O'zbekiston Superligasi 3-turidan o'rin olgan bahsda Toshkentning “Paxtakor” klubi o'z maydonida Samarqandning “Dinamo” jamoasini qabul qildi.
Uchrashuvda mezbonlar ustunlikka ega bo'ldi, biroq bu tabloda ko'rinmadi. 55-daqiqada toshkentliklar gol urdi, ammo bu vaziyat o'yindan tashqari holat deb baholandi.
Oradan besh daqiqa o'tar-o'tmas, aniqrog'i 60-daqiqada Anvarjon Hojimirzayev gol urib, samarqandliklarni hisobda oldinga olib chiqdi. Ushbu gol uchrashuvda yagonaligini saqlab qoldi.
Shu tariqa, “Paxtakor” joriy mavsumdagi ikkinchi mag'lubiyatini qabul qilib oldi. “Dinamo” esa 3-turdan so'ng 7 ochko jamg'arib, turnir jadvalida 3-o'rinni egallab turibdi.
O'zbekiston Superligasi | 3-tur
“Paxtakor” 0:1 “Dinamo”
Gollar: Anvarjon Hojimirzayev 60' (0:1).
