Makfarleyn Angliya kubogi finali oldidan jarohatlangan o'yinchilar haqida gapirdi
"Chelsi" bosh murabbiyi vazifasini bajaruvchi Kalum Makfarleyn Angliya Kubogi finalida "Manchester Siti"ga qarshi o‘yin oldidan jamoa futbolchilarining jismoniy holati haqida fikr bildirdi.
"Ris Jeyms bu hafta yaxshi mashg‘ulot o‘tkazdi va biz uning holatidan mamnunmiz. Unga “Liverpul”ga qarshi o‘yinda (1:1) vaqt berish juda yaxshi qaror bo‘ldi. Menimcha, u zaxiradan tushib yaxshi harakat qildi. Umuman olganda, Ris borasida hammasi ijobiy.
“Liverpul”ga qarshi bahs oldidan uning shu daqiqalarni o‘ynay olishiga ishonchimiz komil edi va u bu vazifani uddaladi. Bu hafta u a’lo darajada mashg‘ulot o‘tkazdi va mavsumni shu formada yakunlashiga umid qilayapmiz.
Levi Koluill ham tiklandi. “Nottingem Forest”ga qarshi o‘yindan (1:3) oldin u U-21 jamoasida ikki yoki uch marta maydonga tushdi. Bu Levi uchun juda yaxshi mashg‘ulot haftasi bo‘ldi. U “Liverpul”ga qarshi bahsda ajoyib o‘ynadi.
Bu uning uzoq tanaffusdan keyin ham qiyin vaziyatda yuqori saviyada o‘ynay olish qobiliyatini ko‘rsatadi. U bu hafta ham yaxshi mashg‘ulot qildi va ehtimol shanba kuni maydonga tushishini intiqlik bilan kutyapmiz.
Pedru Netu va Aleksandro Garnacho ham bu hafta juda yaxshi mashg‘ulot o‘tkazishdi. Har ikki futbolchi yaxshi holatda ko‘rinmoqda. Ularning to‘liq tiklanishiga katta umid qilmoqdamiz. Bu — ijobiy belgilar", — dedi Makfarleyn "Chelsi" rasmiy saytiga.
