«Chelsi» ketma-ket beshinchi marta «Uembli»dagi finalda magʻlub boʻldi
Angliya Kubogining 2025/2026 yilgi mavsumi finalida «Chelsi» «Manchester Siti»ga kichik (0:1) hisobda imkoniyatni boy berdi. Londonning afsonaviy «Uembli» stadionida boʻlib oʻtgan ushbu uchrashuv «koʻklar» uchun yana bir bor omadsiz yakunlandi.
Squawka tahliliy sahifasining xabar berishicha, «Chelsi» mazkur arenada oʻtkazilgan ketma-ket 5 ta final bahsidan buyon raqiblar darvozasini umuman ishgʻol eta olmayapti. Londonliklarning «Uembli»dagi soʻnggi beshta finali quyidagicha yakunlangan:
- «Lester» — 0:1
- «Liverpul» — 0:0 (penaltilar seriyasida 10:11)
- «Liverpul» — 0:0 (penaltilar seriyasida 5:6)
- «Liverpul» — 0:1
- «Manchester Siti» — 0:1
Eslatib oʻtamiz, ushbu mavsumning yarimfinalida «Chelsi» «Lids Yunayted»ni (1:0) magʻlub etgan boʻlsa, Pep Gvardiola shogirdlari «Sautgempton»dan (2:1) ustun kelgandi.
Maʼlumot uchun, Angliya Kubogining oʻtgan mavsumdagi gʻolibi kutilmaganda Londonning boshqa bir jamoasi — «Kristal Pelas» boʻlgandi. Oʻshanda ular ham «Uembli»da kechgan hal qiluvchi bahsda aynan «Manchester Siti»ni 1:0 hisobida dogʻda qoldirishgandi.
