«Bavariya» ikki nafar futbolchisini yo‘qotdi

«Bavariya» yarim himoyachi Ismael Saybari va hujumchi Serj Gnabri xizmatlaridan ma’lum muddat foydalana olmaydi. Bu haqda Myunxen klubining rasmiy sayti xabar berdi. Biroq futbolchilarning maydonga qaytish muddati hozircha aniq emas.

Har ikki futbolchi shanba kuni Bundesliganing Dortmundning «Borussiya» klubiga qarshi uchrashuvida jarohat oldi. Mazkur bahs 2:2 hisobida yakunlangan edi.

Saybariga o‘ng oyoq to‘pig‘i boylamlarining uzilishi tashxisi qo‘yildi. Marokashlik futbolchi allaqachon muvaffaqiyatli operatsiyani boshdan kechirgan.

Gnabri esa chap son orqa qismi mushaklaridan jarohat olgan.

Dortmundliklar bilan durangdan so‘ng «Bavariya» Bundesliga turnir jadvalida birinchi o‘rinni egallab turibdi.

Roziqjon Sultonmurodov

Jurnalist

0 0 0 0 0 0