Жаҳон чемпионати: Нигора Абдуллаева 6-ўринни эгаллади
Жаҳон чемпионати: Нигора Абдуллаева 6-ўринни эгаллади.
Хитойнинг Нинбо шаҳрида ўтаётган оғир атлетика бўйича жаҳон чемпионатида ҳамюртимиз Нигора Абдуллаева аёллар ўртасида 53 кг вазн тоифасида иштирок этди.
Спортчимиз даст кўтариш баҳсларида 85, 88 ва 90 кг оғирликларни, силтаб кўтаришда эса 105, 109 ва 111 кг натижаларни қайд этиб, барча олти уринишини муваффақиятли бажарди.
Якунда икки кураш натижасига кўра 201 кг жамғарган Нигора Абдуллаева жаҳон чемпионатини 6-ўрин билан якунлади.
Мазкур мусобақа Лос-Анжелес–2028 ёзги Олимпия ўйинларига саралаш жараёнида муҳим аҳамиятга эга. Жаҳон чемпионатидаги натижа спортчимиз Олимпиада саралаш рейтинги учун муҳим босқичлардан бири ҳисобланади.
Мазкур вазн тоифасида кучли учлик:
1-ўрин. Чжан Хайцин (Хитой) — 221 кг
2-ўрин. Улрей Миранда (АҚШ) — 220 кг
3-ўрин. Ким Со Хён (КХДР) — 214 кг
Нигора Абдуллаевага келгуси мусобақаларда омад ва янги зафарлар тилаймиз.
