Президент олимпиадаси доирасида ўтказилган қиличбозлик мусобақалари ўз ниҳоясига етди
31 октябрь куни Чирчиқ шаҳридаги Ўзбекистон давлат жисмоний тарбия ва спорт университетининг спорт мажмуасида Президент олимпиадаси доирасида ўтказилган қиличбозлик мусобақалари ўз ниҳоясига етди.
Беш кун давомида республикамизнинг турли ҳудудларидан ташриф буюрган 14 ёшгача бўлган иқтидорли спортчилар ўз маҳоратлари, матонати ва ғалабага бўлган интилишларини намойиш этдилар.
Мусобақанинг сўнгги кунида шпага йўналиши бўйича ўғил болалар ва қизлар ўртасида жамоавий баҳслар бўлиб ўтди.
ШПАГА — ЎҒИЛ БОЛАЛАР (жамоавий баҳслар)
Мазкур йўналишда 14 та жамоа иштирок этди. Улар Қорақалпоғистон Республикаси, Тошкент шаҳри, Андижон, Бухоро, Жиззах, Қашқадарё, Навоий, Наманган, Самарқанд, Сирдарё, Сурхондарё, Тошкент, Фарғона ва Хоразм вилоятлари шарафини ҳимоя қилдилар.
Мусобақа натижалари:
1-ўрин — Андижон вилояти
2-ўрин — Самарқанд вилояти
3-ўрин — Фарғона вилояти
3-ўрин — Бухоро вилояти
ШПАГА — ҚИЗЛАР (жамоавий баҳслар)
Қизлар ўртасидаги жамоавий баҳсларда 12 та жамоа иштирок этди. Улар Қорақалпоғистон Республикаси, Тошкент шаҳри, Андижон, Бухоро, Қашқадарё, Навоий, Самарқанд, Сирдарё, Сурхондарё, Тошкент, Фарғона ва Хоразм вилоятларидан ташриф буюрдилар.
Мусобақа натижалари:
1-ўрин — Қорақалпоғистон Республикаси
2-ўрин — Андижон вилояти
3-ўрин — Тошкент вилояти
3-ўрин — Навоий вилояти
