Роналду «Олтин тўп» маросимида 5 йилдан бери энг яхши ёш футболчи учун овоз бермаяпти — L'Équipe
Португалия миллий жамоаси ва «Ан Наср» клуби сардори Криштиану Роналду кетма-кет бешинчи йил «Олтин тўп» маросимида «Энг яхши ёш футболчи» номинацияси бўйича овоз беришда қатнашмади. L'Équipe нашрининг хабар беришича, бунга соврин ташкилотчиси France Football билан келишмовчилик сабаб бўлган.
Манбага кўра, франциялик собиқ футболчилар Зинедин Зидан ва Мишель Платини ҳам ушбу номинация бўйича овоз беришдан бош тортган.
Маълумот учун, 2026 йилда «Энг яхши ёш футболчи» соврини «Барселона» ҳужумчиси Ламин Ямалга насиб этди.
Эслатиб ўтамиз, 2021 йилда France Football журнали ўша пайтдаги бош муҳаррири Паскаль Ферре Роналду унга фаолиятини Лионель Мессидан кўпроқ «Олтин тўп» билан якунлашни асосий мақсад қилганини айтганини билдирган эди. Кейинчалик португалиялик футболчи бу гапларни рад этиб, Феррени ёлғончиликда айблаган. Шундан сўнг Роналду «Олтин тўп» билан боғлиқ тадбирларда қатнашмай келмоқда.
