Белбоғли кураш бўйича кичик ўсмирлар ўртасида Ўзбекистон кубоги ғолиб ва совриндорлари аниқланди
Белбоғли кураш бўйича кичик ўсмирлар ўртасида Ўзбекистон кубоги ғолиб ва совриндорлари аниқланди
Жорий йилнинг 14-17 октябрь кунлари Бухоро вилоятининг Ғиждувон тумани спорт мажмуасида белбоғли кураш бўйича кичик ўсмирлар (U15, ўғил ва қиз болалар) ўртасида Ўзбекистон кубоги мусобақаси ўтказилди.
Мусобақада мамлакатимизнинг барча ҳудудларидан ташриф буюрган 400 нафар спортчи ғолиблик учун кураш олиб борди.
Беллашувларнинг биринчи куни ўғил болалар белбоғли курашнинг классик йўналиши бўйича 14 та вазн тоифасида куч синашган бўлса, 16 - 17 октябрь кунлари ўғил болалар ва қизлар белбоғли курашнинг эркин йўналишида ўзаро беллашишди. Муросасиз ўтган мусобақада умумжамоа ҳисобида энг кўп медаллар билан Бухоро вилояти жамоаси фахрли биринчи ўринни қўлга киритди. Медаллар жамғариш бўйича иккинчи ўрин Фарғона вилояти жамоасига насиб этган бўлса, учинчи ўринни Андижон вилояти терма жамоаси эгаллади.
Мусобақа якунида ғолиб ва совриндорлар диплом, медаль ва эсдалик совғалари билан мукофотланишди.
