Жиру «Лилл» билан шартнома имзолайди – L’Équipe

“Лилл” ҳужумчиси Оливье Жиру ўзининг ҳозирги жамоаси билан янги шартнома имзолаши мумкин, деб хабар бермоқда L’Équipe.

Футболчининг “итлар” билан амалдаги меҳнат шартномаси 2026-йилнинг 30-июнига қадар амал қилади. Ўтган мавсум якунларига кўра, жамоа Чемпионлар лигасига йўлланмани қўлга киритди ва бу ҳал қилувчи омил бўлди. Чунки клубда Жиру ёшига қарамасдан жамоага фойда келтиришига ишонишади. Эҳтимол, томонлар ҳамкорликни бир мавсумга узайтиради.

Ўтган клуб мавсумидаги 44 та ўйинда Жиру 11 та гол урди ва битта голли узатмани амалга оширди.

Аввалроқ футболчи “Монпелье”, “Арсенал”, “Челси”, “Милан”, “Лос-Анжелес” ва бошқа жамоаларда ҳам тўп сурган. Франция терма жамоаси таркибида футболчи жаҳон чемпиони бўлган.

Розикжон Султонмуродов

Журналист