Улуғбек Бақоев: «Қўлдан келганча ҳаракат қилдик»
Жиззахликлар устози жамоасининг мағлубиятига изоҳ берди.
Фото: Сўғдиёна ПФК
Ўзбекистон Суперлигаси
21.07.2026, Як.
Сўғдиёна
1
Нефтчи
5
“Сўғдиёна” бош мураббийи Улуғбек Бақоев “Нефтчи”га қарши учрашувидан сўнг матбуот анжуманида иштирок этди.
“Мағлубият ҳар доим ёқимсиз. Лекин бир нарсани тушунайлик, бугун жуда кучли ҳамда Ўзбекистон чемпионига қарши ўйнадик. Рақиб сафида маҳоратли футболчилар кўп, бугун бу ҳам майдонда кўринди. Биз гол уриб олдик, бироқ ижобий натижа қайд эта олмадик. Қандайдир тушунарсиз беш дақиқа ичида "Нефтчи" масалани ҳал қилди. Бу — футбол, мен йигитларга ўйинни тезроқ унутиб, кейинги баҳсга тайёргарлик кўришимиз лозимлигини айтдим. Қўлдан келганча ҳаракат қилдик, бундан футболчиларга раҳмат айтмоқчиман. Ишлашда давом этамиз”, — дейилади клуб матбуот хизмати хабарда.
Розикжон Султонмуродов
Журналист
