Суперлига. \"Пахтакор\" сўнгги дақиқаларда гол уриб, \"Хоразм\"ни мағлуб этди
"Шерлар" навбатдаги ғалабасига эришди.
Фото: Пахтакор ФК
Ўзбекистон чемпионатининг 11-турида “Пахтакор” клуби Тошкентда “Хоразм”ни қабул қилди.
Учрашувнинг 5-дақиқасида меҳмонлар сафида Темурбек Исмоилов ҳисобни очди. 24-дақиқада Игорь Сергеев мувозанатни тиклади. 90+8-дақиқада эса Владимир Бубанья автоголга муаллифлик қилди. Натижада “шерлар” 2:1 ҳисобида ғалаба қозонди.
Мазкур ғалабадан сўнг “шерлар” очколари сонини 18 тага етказиб, 5-ўринга кўтарилиб олди.
Суперлига. 11-тур
“Пахтакор” 2:1 “Хоразм”
Голлар: Темурбек Исмоилов, 5 (0:1), Игор Сергеев, 24 (1:1), Владимир Бубаня, 90+8 автогол (2:1)
