Суперлига. 5-тур баҳслари давом эттирилди
Суперлига. 5-тур баҳслари давом эттирилди. 12 апрел куни уч учрашув бўлиб ўтди.
“Қўқон-1912” ўз уйида “Бухоро”ни қабул қилди. Улуғбек Бақоев шогиртлари ушбу баҳсда кичик ҳисобда мағлубиятга учради. Ўйиннинг ҳал қилувчи ягона голига Иқболжон Маликжонов муаллифлик қилди. У учрашувнинг 35 дақиқасида рақиб дарвозабонини жазолай олди.
Куннинг иккинчи қарама-қаршилиги Самарқанд шаҳрида бўлиб ўтди.
“Динамо” мезбонлигида “Сўғдиёна”ни қабул қилди. Ушбу учрашув қизиқарли ва муросасиз тарзда кечди. Учрашув 1:1 ҳисобидаги жанговар дурранг билан якунланди. Ўйиндаги голларга Журани Феррейра, 25 дақиқада (1:0) ва Жавоҳир Қаҳрамоновлар, 39 дақиқада (1:1) муаллифлик қилишди.
Шанба куннинг учинчи тўқнашуви Тошкентдаги “Бунёдкор” стадионида бўлиб ўтди. Унда “қалдирғочлар” “кончилар”ни қабул қилди ва якунда жамоалар 0:0 ҳисобига нурсиз дуррангга имзо чекишди.
