Superliga. 5-tur bahslari davom ettirildi
Superliga. 5-tur bahslari davom ettirildi. 12 aprel kuni uch uchrashuv bo'lib o'tdi.
“Qo'qon-1912” o'z uyida “Buxoro”ni qabul qildi. Ulug'bek Baqoyev shogirtlari ushbu bahsda kichik hisobda mag'lubiyatga uchradi. O'yinning hal qiluvchi yagona goliga Iqboljon Malikjonov mualliflik qildi. U uchrashuvning 35 daqiqasida raqib darvozabonini jazolay oldi.
Kunning ikkinchi qarama-qarshiligi Samarqand shahrida bo'lib o'tdi.
“Dinamo” mezbonligida “So'g'diyona”ni qabul qildi. Ushbu uchrashuv qiziqarli va murosasiz tarzda kechdi. Uchrashuv 1:1 hisobidagi jangavor durrang bilan yakunlandi. O'yindagi gollarga Jurani Ferreira, 25daqiqada (1:0) va Javohir Qahramonovlar, 39 daqiqada (1:1)mualliflik qilishdi.
Shanbaning uchinchi to'qnashuvi Toshkentdagi “Bunyodkor” stadionida bo'lib o'tdi. Unda “qaldirg'ochlar” “konchilar”ni qabul qildi va yakunda jamoalar 0:0 hisobidagi nursiz durrangga imzo chekishdi.
