«Арсенал» «Флитвуд»га ютқазиб, Англия Лига кубогини тарк этди
"Арсенал" Англия Лига кубогининг 1/8 финал учрашувида "Флитвуд"га мағлуб бўлди — 1:1 (пенальтилар сериясида — 3:5). Ўйин "Флитвуд"даги "Хайбери" стадионида бўлиб ўтди.
21-дақиқада Англиянинг тўртинчи дивизионида иштирок этувчи клубнинг 20 ёшли ҳужумчиси Аарон Брэдли Лупало-Би ҳисобни очди. Танаффусдан кейин меҳмонлар ҳисобни тенглаштирди — 50-дақиқада Виктор Дьёкереш гол урди. Иккинчи бўлим якунига яқин Лондон жамоаси бир футболчи кам бўлиб қолди: 16 ёшли Макс Доумен қизил карточка олди.
Пенальтилар сериясида "канонирлар" сафида бразилиялик ярим ҳимоячи Бруну Гимарайнс ўз зарбасини голга айлантира олмади.
Англия Лига кубогининг чорак финалида "Флитвуд"нинг рақиби қуръа натижасида аниқланади. Аввалроқ "Брэдфорд Сити" "Питерборо Юнайтед"ни 2:0 ҳисобида мағлуб этиб, чорак финалга йўл олган эди.
