Ўзбекистон суперлигасининг 8-туридан ўрин олган “Сурхон” – “Пахтакор” (2:1) учрашувидан сўнг “шерлар” бош мураббийи Педро Морейра қуйидаги фикрларни билдирди:
“Ўзбекистон чемпионати осон эмас. Ҳар бир жамоа кураш таклиф қилади, бугун ҳам бунга гувоҳ бўлдик. Икки жамоа ҳам фаол ҳаракат қилди, аммо кўрганингиздек, бир киши кам бўлиб қолдик. Бироқ, шунга қарамасдан, йигитларим ҳаракат қилишди. Уларга доим клубга ёрдам беришларини айтаман.
Албатта, бугунги ўйинда ҳам ютушга ҳаракат қилишди. Лекин, ҳозирги формада бу қийинроқ вазифа эди. Учрашув бошиданоқ ноодатий бошлангани учун қийналдик. Бугун, ўйинчиларим ўйин сўнгида ҳам ҳаракат қилиб, характер намоён этишди”, – дейди мутахассис
