Навбаҳор ва Андижон ўртасидаги 3-тур учрашуви якуни
28 март куни маҳаллий вақт билан соат 19:30 да Наманганда "Навбаҳор" ва "Андижон" жамоалари майдон узра тўқнашди. Ўйин қизиқарли ва воқеаларга бой кечди. Учрашувнинг якунлий ҳисоби 2:2 дуранг бўлди.
Биринчи бўлимнинг иккинчи дақиқасидаёқ Забиҳилло Ўринбоев "Андижон" дарвозасини ишғол этди. Наманган клуби ҳимоячиси Гулҳерме Гедеснинг ўз дарвозасига уриб қўйган тўпи андижонликларга ҳисобни тенглаштириш имконини берди — 1:1.
Иккинчи бўлимнинг 52-дақиқасида Аббос Ғуломов "Навбаҳор" клубини олдинга олиб чиқди — 2:1. Учрашувнинг 74-дақиқасида "Андижон" ярим ҳимоячиси қизил карточка олиб, майдонни тарк этди ва жамоа камчиликда ўйинни давом эттирди. 90 дақиқа тугагач, ҳакам яна тўққиз дақиқа қўшди. 90+3-дақиқада Саидазамат Мирсаидов сариқ карточка олди, 90+5-дақиқада эса Мирсаидов яна бир сариқ карточка олиб, қизил карточка билан жазоланиб, майдонни тарк этишга мажбур бўлди. Қўшимча вақтнинг охирги дақиқаларида, 90+8-дақиқада Умид Эргашев ўз дарвозасига тўп киритиб қўйиб, "Андижон"га ҳисобни тенглаштиришга ёрдам берди — 2:2.
Ўзбекистон Суперлигаси. Учинчи тур:
Навбаҳор – Андижон – 2:2
Голлар: Ўринбоев 2, Ғуломов 52 – Гедес 7 (автогол), Эргашев 90+8 (автогол).
