“Навбаҳор” - “Андижон”: Водий дербисида устунлик ким томонда?
Бугун, 28-март куни Ўзбекистон Суперлигаси 3-туридан ўрин олган марказий учрашувда “Навбаҳор” ва “Андижон” ўзаро тўқнаш келади.
Таъкидлашнинг ҳожати йўқ, ҳар қандай вазиятда ҳам ушбу жамоалар ўртасидаги баҳс аншлаг ҳолатда, жиддий қарама-қаршилик руҳи остида ўтади.
Ҳозирга қадар “Навбаҳор” ва “Андижон” миллий чемпионатимиз доирасида 56 бор рўбарў келган. Уларнинг 27 тасида наманганликлар, 13 тасида эса андижонликларнинг қўли баланд келган. 16 та учрашув дуранг билан якунланган. Тўплар нисбати эса 80-57, “Навбаҳор” фойдасига.
Мазкур жамоалар ўртасидаги ўйинларда энг йирик ҳисоб 2004-йилги мавсумда қайд этилган. Ўшанда “лочинлар” “бургутлар”ни 5:0 ҳисобида мағлуб этган.
Эслатиб ўтамиз, “Навбаҳор” - “Андижон” ўртасидаги учрашув бугун Тошкент вақти билан соат 19:30 да Намангандаги “Марказий” стадионида старт олади.
