«Манчестер Сити» инглиз футболи тарихида мутлақ рекорд ўрнатди
Пеп Гвардиола бошчилигидаги «Манчестер Сити» клуби Англия футболи тарихида илгари ҳеч бир жамоага насиб этмаган ноёб натижани қайд этди. Бу ҳақда Opta таҳлилий портали хабар бермоқда.
«Шаҳарликлар» бир мавсум давомида Англия Кубоги (FA Cup) ва Англия Лига Кубоги (EFL Cup) мусобақаларидаги барча учрашувларда фақат ғалаба қозониб, бош совринларга эга чиққан тарихдаги илк клубга айландилар. Жамоа иккала турнирда ҳам бирорта дуранг ёки мағлубиятга йўл қўймади.
Жамоанинг чемпионлик сари босган қадамлари:
Англия Кубоги: «Экзетер Сити» (10:1), «Солфорд Сити» (2:0), «Ньюкасл Юнайтед» (3:1), «Ливерпуль» (4:0), «Саутгемптон» (2:1) мағлуб этилди. Ҳал қилувчи финал баҳсида эса «Челси» устидан ишончли ғалаба (1:0) қўлга киритилди.
Англия Лига Кубоги: «Хаддерсфилд Таун» (2:0), «Суонси Сити» (3:1), «Брентфорд» (2:0) ҳамда икки ўйин натижасига кўра «Ньюкасл Юнайтед» (2:0, 3:1) таслим этилди. Бош соврин учун кечган финалда эса «Арсенал» (2:0) догъда қолдирилди.
Ушбу муваффақиятлардан сўнг, «Манчестер Сити»нинг музейидаги Англия Кубоклари сони 8 тага, Лига Кубоклари сони эса 9 тага етди.
