Максим Шацких: Бугун бизнинг кунимиз эмас экан
“Қизилқум” - “Андижон” (2:1) учрашувидан кейинги матбуот анжуманида дастлаб бүрғутлар бош мураббийи Максим Шацких иштирок этди.
- Биринчи бўлимни яхши ўтказдик, иккинчиси унчалик эмас. Бундай натижа бўлмаслиги учун ўйинни биринчи бўлимда ҳал қилиб қўйиш керак эди.
- Сиз 4 та ҳимоячи ва 1 ҳужумчи билан ўйнадингиз. “Қизилқум” эса 3 та ҳужумчи ва 2 та ҳимоячи билан ўйнади. Тўп билан муомала вақти “Андижон”да кўпроқ, лекин дарвозага зарбалар кам. Нимага bunchalik ҳимоявий вариант танлаяпсиз? Қолаверса, ҳимоячилар хатолар қилаяпти.
- Қайси ҳимоячилар?
- Биринчи голни назарда тутяпман.
- Рақиб жамоа умумий ҳисобда уч марта бизнинг дарвозамиз томон ўтяпти-да, икки гол урмоқда, тушунарсиз. Яна бир бор айтаман, бу ўйинни биринчи бўлимда ҳал қилишимиз керак эди. Шунда ҳеч нарса бўлмасди. Кучсиз жамоалигини кўрмадим. Биз ўз даражамизни намоён этдик, балки қандайдир мотивация бўлмагандир. Йўлимиз ҳам яқин эмас. Биринчи бўлимда устунлик қилганимизда масалани ҳал қилишимиз лозим эди. Рақиб ҳеч нарса яратмади. Ҳаммаси бизнинг назоратимизда эди. Бутун 90 дақиқа давомида уч марта ҳужумга ўтиб, икки гол урмоқда. Бу – футбол. Ҳимоядаги индивидуал хато, нима ҳам қила оламиз?!
- Узоқ йил Европа футболида ўйнагансиз. Бизни футболни Европа даражасига олиб чиқиш учун нима қилиш керак? Бизга нима етишмайди?
- Бу жуда узун савол, бир оғиз сўз билан таърифлаб бўлмайди. Мен футболчиларга доим айтаман: улар қандай футболчи эканликларини, Чемпионлар лигасида, терма жамоаларда ўйнашни хоҳлашса, улардан нима фарқи бор. Уларда ҳам икки оёқ, икки қўл бор. Фақат муомала бошқача. Ҳар куни меҳнат ва ҳаракат қилиш керак. Шунда биз ўсамиз. Бугун мен футболчиларни айбламайман. Рақиб икки-уч марта ҳужумга ўтиб, икки гол уряпти, тушунарсиз рикошет бўляпти. Кулгили. Дарвозабон жароҳат олди, иккинчи дарвозабон ҳам шундай бўляпти. Бугун ҳаммаси бизга қарши, ҳа, бизнинг кунимиз эмас экан.
