Иско жароҳати сабаб бир ой майдонга туша олмайди
«Бетис» яримҳимоячиси операция қилинади.
ФОТО: Getty Images
«Бетис» ва Испания терма жамоаси яримҳимоячиси Иско тиззасидаги жароҳат туфайли бир ой давомида майдонга туша олмайди. Бу ҳақда Испаниянинг AS нашри хабар берди.
Манба маълумотларига кўра, андалусияликлар капитани янги йил бошидаги муҳим ўйинларда ёрдам бера олмайди, чунки Иско тикланиш жараёнида артроскопия талаб қилинади.
Эслатиб ўтамиз, 33 ёшли футболчи бир ой олдин Европа Лигаси доирасидаги «Утрехт»га қарши ўйинда (2:1) шикастланган эди. Жароҳат унга марокашлик Софян Амрабат билан тўқнашувдан кейин етказилган.
Жорий мавсумда Иско барча мусобақаларда атиги 2 та ўйинда майдонга тушди ва 1 та голли узатма амалга оширди. Умумий ҳисобда у майдонда 39 дақиқа ҳаракат қилган.
Насрулло Каримов
Журналист