Ироқ чемпиони, ОФК кубогида кетма-кет 3 марта ғолиб бўлган илк клуб — «Нефтчи»нинг Элит ОЧЛ илк туридаги рақиби ҳақида
«Эйр Форс» клуби Ироқ футболининг энг тарихий ва совриндор жамоаларидан биридир.
Тўлиқ номи: Al-Quwa Al-Jawiya Sports Club;
Ташкил топган: 1931 йил 4 июл;
Шаҳар: Бағдод, Ироқ;
Лақаби: «Ас Соқор» — «Лочинлар»;
Стадион: «Al-Shaab Stadium»;
Сиғими: 35 700 томошабин;
Мусобақа: Iraq Stars League;
Бош мураббий: Фетхи Жебел.
«Эйр Форс» — Ироқ пойтахти Бағдод шаҳрида жойлашган ва мамлакат футболидаги энг қадимий клублардан бири ҳисобланади. Клуб 1931 йилда ташкил этилган бўлиб, бугунги кунгача Ироқ футболининг етакчи жамоаларидан бири сифатида фаолият юритиб келмоқда.
ТАРИХИ ВА ЮТУҚЛАРИ
«Эйр Форс» Ироқ чемпионлигини 7 маротаба қўлга киритган. Жамоанинг сўнгги чемпионлиги 2025/2026 йилги мавсумга тўғри келади.
Бундан ташқари, клуб Ироқ кубогида 6 марта, Ироқ Суперкубогида эса 2 марта ғолиб бўлган.
Клубнинг халқаро майдондаги энг катта муваффақияти — ОФК кубогидаги учта кетма-кет чемпионлик. «Эйр Форс» 2016, 2017 ва 2018 йилларда турнирда ғолиб чиқиб, ушбу мусобақани кетма-кет уч марта қўлга киритган тарихдаги илк клубга айланган.
Жамоа Осиёнинг нуфузли клублар турнирининг юқори даражасида ҳам мунтазам қатнашиб келади ва Элит ОЧЛ гуруҳ босқичида бир неча бор иштирок этган.
ЎТГАН МАВСУМ
«Эйр Форс» 2025/2026 йилги Ироқ чемпионатини 1-ўринда якунлаб, навбатдаги чемпионликни қўлга киритди. Бу клуб тарихида еттинчи титул бўлди.
2026/2027 йилги мавсумнинг дастлабки турларида жамоа 7 учрашувдан сўнг 7 очко билан турнир жадвалининг 13-поғонасида бормоқда.
ЖАМОАНИНГ 2026/2027-ЙИЛГИ ТАРКИБИ
Дарвозабонлар:
Али Ибади Жаббар, Ҳайдар Муҳаммад Файсал Ал Абеди, Муҳаммад Раҳим Зиад Далфи.
Ҳимоячилар:
Руслан Ҳаноон, Муслим Моуса, Муҳанад Жеаҳзе, Мосес Оркума, Аббас Адел, Ачреф Боудрама, Сипан Седиқ, Карар Али Ҳассан, Саид Аҳмад Саламеҳ Ар Росан.
Яримҳимоячилар:
Саад Абдуламир, Муҳаммад Жавад, Муҳаммад Сами, Аббас Фавзи, Муҳаммад Салиҳ Межбел, Ҳарит Ҳатем, Мужтаба Айел, Ал Ҳарет Ҳатам.
Ҳужумчилар:
Энтони Окпоту, Ҳайтем Жоуни, Туисила Кисинда, Мурод Муҳаммад, Майтам Ваад, Аҳмад Сабри, Томас Андраде.
Жамоа таркибида ироқлик футболчилар билан бир қаторда Тунис, Либерия, Камерун, Аргентина ва бошқа давлатлар вакиллари ҳам мавжуд. Бу «Эйр Форс»нинг халқаро тажрибага эга таркиб шакллантиришга эътибор қаратаётганини кўрсатади.
