Икром Алибоев: "Олдиндан тахмин билдирмайман"
“Нефтчи”нинг тажрибали футболчиси Икром Алибоев ўзининг ёрқин ўйинлари билан мухлисларни олқишларига сазовор бўлиб келмоқда. Маҳоратли яримҳимоячи “Андижон” билан ўйиндан сўнг клуб матбуот хизмати учун интервю берди.
- “Нефтчи” охирги ўйинларида ишончли ҳаракат қилиб, ғалаба қозонди, бу нима билан боғлиқ? Мухлислар олдида ғалабага чанқоқ уларни босими сезилябдими?
– Биринчи ўринда мураббийлар кўрсатмаларини тўғри бажараябмиз деб ўйлайман, шуни ҳисобига кетма-кет ғалаба қозона олдик. Мухлисларимиз олдида ўйнаш босим эмас аксинча куч бағишлайди. Улар ҳақиқий ўн иккинчи футболчимиз ҳисобланади. Олдинда бир қатор синовли учрашувлар кутиб турибганлигини ҳисобга олиб, муҳлисларимиздан аввалгиларданда фаолроқ қўллашларини сўраб қоламиз.
- Суперлига тобора қизғин паллага кирганлиги ва кутилмаган натижалар кўпайиши кузатилмоқда. Жамоамизнинг кейинги ўйинига тахминингиз билан бўлишсангиз.
– Мен тахмин билдирмайман лекин шуни айтишим мумкинки, биз ҳар ўйинда ғалаба учун майдонга чиқамиз. Навбатдаги рақиб ОКМК жамоаси бўлади , бу жамоа турнир жадвалида бежизга юқорида эмас, ва ушбу учрашув биз учун жуда ҳам муҳим ўйин ҳисобланади. Мазкур ўйинда ҳам ғалаба учун ўйнаймиз. Олдинда эса бизни Ўзбекистон кубогининг 3-тур учрашувида “Оқтепа” жамоасига қарши ўйин кутиб турибди.
– Бу йилги чемпионатда сизнингча қайси жамоалар чемпионлик учун кураш олиб боради.
– Бу йилги чемпионат ўзгача ўтиб бормоқда, ўйинларда қайси жамоани олдиндан ғалаба қозонишини тахмин қилиш жуда мушкул. Ҳозирда чемпионликка 4-5 жамоа кураш олиб бормоқда ва мен “Нефтчи” жамоаси таркибида мамлакат чемпиони деган номни қўлга киритишни ҳоҳлардим ва бу учун жамоамизда ҳамма нарса мужасам.
– Бўлажак учрашувлар олдидан “Нефтчи”жамоаси мухлисларига тилакларингиз?
– Мухлисларимизга авваламбор соғлик-саломатлик тилайман, улардан бизларни дойим шундек фаоллик билан қўллаб-қувватлаб туришларини сўрайман, зеро улар билан биз яна ҳам кучлимиз ва биз бир кучмиз" — дейди Алибоев.
Алоқадор жамоалар ва лигалар
Футбол
Бугун да 17:07
Футбол
Бугун да 14:00
