Игорь Литовка: “Андижон” мухлислари Республикада биринчи рақамли!”
“Андижон” клубининг собиқ дарвозабони, ҳозирда Грузиянинг “Гагра” клуби сафида тўп суриб юрган Игорь Литовка Sports24.uz сайтига интервью берди.
Литовка суҳбат чоғида “Андижон” мухлисларини алоҳида эътироф этиб, уларни Республикадаги 1-рақамли деб атади.
“Андижон” мухлислари Республикада биринчи рақамли! Улардек ҳеч ким қўллаб-қувватлай олмайди! Ҳозир бутун чемпионатда трендни айнан бизнинг мухлислар белгиламоқда ва қолган мухлислар ҳам “Ultras Burgut”га қараб ривожлана бошлаганини сезиш мумкин.
Стадион эса ўйинлардан кейин бир неча бор менинг фамилиямни айтиб ҳайқирганини ҳеч қачон унутмайман. Бу катта ҳурмат белгиси ва мен уларга ўз ҳурматимни кўрсатиш учун қўлимдан келган ҳамма нарсани қилдим”, – дейди Литовка.
Маълумот учун, Игорь Литовка “Андижон”даги фаолияти давомида 42 та ўйинда майдонга тушиб, 45 та гол ўтказиб юборган. Унинг Transfermarkt’даги нархи 50 минг евро деб баҳоланмоқда.
