Холанд АПЛда энг тез 100 та гол урган футболчига айланди
«Ман Сити» ҳужумчисига бундай натижага эришиш учун 111 та ўйин керак бўлди.
ФОТО: Getty Images
Англия Премер-лигаси
02.12.2025, Як.
Фулхэм
4
Манчестер Сити
5
«Манчестер Сити» ҳужумчиси Эрлинг Холанд Англия Премьер-лигасининг 14-турида «Фулхем»га қарши баҳсда турнирдаги 100-голини урди. 25 ёшли форвард бу маррага АПЛ тарихида ҳаммадан тез етиб борди — унга бунинг учун атиги 111 та ўйин кифоя қилди.
Иккинчи ўринда «Ньюкасл»нинг собиқ ҳужумчиси Алан Ширер қайд этилган. У 100 та голни 125 учрашувда урган.
Кучли учликни «Тоттенхэм»нинг собиқ форварди Харри Кейн якунлаб, 100 та голга 142 ўйинда эришган.
Эслатиб ўтамиз, Холанд 2022 йилнинг ёзида «Манчестер Сити» сафига қўшилганди. Унинг клуб билан тузган амалдаги шартномаси 2034 йилгача мўлжалланган. Transfermarkt маълумотига кўра, норвегиялик форварднинг бозор қиймати 180 миллион еврони ташкил этади.
Насрулло Каримов
Журналист
