Holand APLda eng tez 100 ta gol urgan futbolchiga aylandi

Angliya Premer-ligasi

02.12.2025, Yak.

Fulhem

4

Manchester Siti

5

«Manchester Siti» hujumchisi Erling Holand Angliya Premyer-ligasining 14-turida «Fulhem»ga qarshi bahsda turnirdagi 100-golini urdi. 25 yoshli forvard bu marraga APL tarixida hammadan tez yetib bordi — unga buning uchun atigi 111 ta o‘yin kifoya qildi.

Ikkinchi o‘rinda «Nyukasl»ning sobiq hujumchisi Alan Shirer qayd etilgan. U 100 ta golni 125 uchrashuvda urgan.

Kuchli uchlikni «Tottenhem»ning sobiq forvardi Harri Keyn yakunlab, 100 ta golga 142 o‘yinda erishgan.

Eslatib oʻtamiz, Holand 2022 yilning yozida «Manchester Siti» safiga qoʻshilgandi. Uning klub bilan tuzgan amaldagi shartnomasi 2034 yilgacha mo‘ljallangan. Transfermarkt ma’lumotiga ko‘ra, norvegiyalik forvardning bozor qiymati 180 million yevroni tashkil etadi.

Nasrullo Karimov

Jurnalist