Финал. Иккинчи бўлим якунланди. Ҳакамлардан одилона қарор
Севилья шаҳрида бўлиб ўтган Испания кубогининг финал учрашуви иккинчи бўлими ўз ниҳоясига етди. Биринчи бўлимдан кейин 1:0 ҳисобида орқада қолган “қироллик клуби” иккинчи бўлимда ўзига кела олди. Захирадан майдонга тушган Киллиан Мбаппе учрашувнинг 70 дақиқасида жарима зарбасидан чиройли гол уриб, ҳисобни тенглаштирди, 1:1.
77 дақиқада Чуамени бурчакдан оширилган тўпни боши билан дарвозага йўллаб “Реал”ни камбек қилиб олдинга ўтиб олишига сабабчи бўлди. Лекин, орадан етти дақиқа ўтиб “Барселона” футболчиси Ферран Торрес ҳам ўзига берилган имкониятдан унумли фойдаланди ва ҳисобни тенглаштирди.
Учрашувга қўшиб берилган дақиқаларда баҳсли вазият юзага келди. “Реал” футболчиси ўз жарима майдончаси ичида Рафиняга нисбатан ўйин қоидасини бузди деб топилди ва ҳакам ўн бир метрли зарбани белгилади. Вазиятга VAR аралашди ва ҳакамлар пеналти йўқ эканлигини билдириб, тўғри қарор қабул қилишди.
Учрашувнинг қўшимча вақтлари бошланди
