Ламин Ямал “Реал”га қарши ўйин ҳақида: “Улар бизни бу мавсумда мағлуб эта олмайди”

Футбол 27 апр 2025 да 04:05

Насрулло Каримов

Jurnalist

Каталониянинг “Барселона” клуби вингери Ламин Ямал Испания Кубоги финалидан ўрин олган “Реал Мадрид”га қарши ўйин олдидан Роналд Араухо билан гаплашгани ва унга бу мавсум “Реал”ни ҳар қандай ҳолатда ҳам мағлуб этишини ҳамда Кубокни қўлга киритишини айтган.

“Мен Араухога айтдимки, улар бизга қанча гол уришлари муҳим эмас, чунки улар бу мавсумда бизни мағлуб эта олмайди. Биз кучлироқмиз”, - дея Ямалнинг сўзларини келтиради Mundo Deportivo.

Эслатиб ўтамиз, “Барселона” финалда “Реал”ни 3:2 ҳисобида мағлуб этиб, Испания Кубогини қўлга киритди. Ламин Ямал эса ушбу баҳсда иккитага голли узатмани амалга оширди.

Алоқадор жамоалар ва лигалар

Barcelona

Real Madrid

Испания кубоги