Антонио Рюдигер 12 та ўйинга дисквалификация қилиниши мумкин
Мадриднинг “Реал” клуби марказий ҳимоячиси Антонио Рюдигер Испания Кубоги финалида “Барселона” қарши ўйиндаги (3:2) хatti-haракатлари учун 4 ўйиндан 12 ўйингача четлатилиши мумкин. Бу ҳақда Cadena Ser хабар бермоқда.
Манбага кўра, ҳакам хулосасида германиялик футболчи “техника майдондан жисм улоқтиргани” учун қизил карточка билан жазоланган. Шунингдек, Рюдигерни “мураббийлар штабининг бир неча аъзолари ушлаб туришга тўғри келгани” қайд этилган.
Эслатиб ўтамиз, ушбу воқеа Рюдигер захирага олинганидан сўнг содир бўлган. Килиан Мбаппе Эрик Гарсияга нисбатан қўполлик қилганидан сўнг, футболчи ҳакамдан норози бўлган. Ушбу ҳаракатлари учун эса қизил карточка олган.
Шундан сўнг, Рюдигер янада қуюшқондан чиқиб, ҳакамга ҳужум қилишга ҳаракат қилган. Жамоадошлари эса уни тўхтатиб қолишган.
