Ана холос! “Real Madrid”нинг яна икки нафар футболчиси дисквалификация қилиниши мумкин
Мадриднинг “Real” клуби футболчилари Жуд Беллингем ва Лукас Васкес Испания Кубоги финалидан ўрин олган “Барселона”га қарши баҳсдаги (3:2) хатти-ҳаракатлари учун икки ўйинга дисквалификация қилиниши мумкин. Бу ҳақда Cadena Ser хабар бермоқда.
Манбага кўра, ҳакам ўз хулосасида Васкек чиқарилган қарорга норозилик билдиргани, шунингдек, заҳирага олинганидан сўнг майдон четида провокацион ишоралар қилгани учун қизил карточка кўрсатилган.
Бундан ташқари, Беллингем ҳам ўйиндан сўнг ҳакамга “тажовузкор оҳангда” мурожаат қилгани учун қизил карточка билан жазоланган.
Эслатиб ўтамиз, “Барселона” ва “Real” ўртасидаги финалнинг асосий вақти дуранг билан якунланди. Қўшимча бўлимларда эса Каталонияликлар битта гол уриб, ғалабани илиб кетди ва Испания Кубогини қўлга киритди.
