Анваржон Хожимирзаев — Суперлигада июль ойининг энг яхши футболчиси

Суперлиганинг июль ойидаги энг яхши футболчиси аниқланди. Унга кўра, «Динамо» ҳужумчиси Анваржон Хожимирзаев энг яхши деб топилди.

32 ёшли футболчи ўтган ойда самарқандликлар сафида Суперлигада 3 баҳсда 5 марта рақиблари дарвозасини ишғол қилди.

Соврин учун курашда Хожимирзаев Башар Ресан («Пахтакор»), Бобур Абдухолиқов («Насаф»), Асадбек Собиржонов (ОКМК) ва Анваржон Ғофуровни («Нефтчи») ортда қолдирди.

Аввалроқ Миржалол Қосимов Суперлигада июль ойининг энг яхши мураббийи деб топилганди.

Иброҳим Жалолов

Редактор