Достонбек Тўхтабоев: «Пеналтилар сериясига жиддий тайёргарлик кўргандик»
“Машъал” Ўзбекистон Суперлигаси плей-офф босқичида “Бухоро”ни енгиб, лигада қолди. Бу ўйиндан сўнг “газчилар” дарвозабони Достонбек Тўхтабоев Sports24.uz сайти мухбири билан суҳбатлашди. Тўхтабоев “Хоразм”га қарши баҳснинг иккинчи таймида жароҳати олиб, ўз ўрнини ҳамкасби Умиджон Ҳамроевга бўшатиб берганди.
“Бундай муҳим ғалаба билан Муборак халқини ва жамоамизнинг ишқибозларини чин қалбдан табриклайман. Қийин ўйин бўлишини билардик, лекин шунга яраша тайёргарлик кўргандик. Ғалаба қозониб, вазифани уддасидан чиқдик. Бундан жуда хурсандмиз.
Албатта, финалга тенг ўйинда жароҳат олганим кайфиятга таъсир қилди. Чунки ўйинда тўлиқ ҳаракат қилишни истагандим. Ҳозирча жароҳатим қанчалик эканлигини билмайман. Тез орада тиббий текширувлардан сўнг барчаси маълум бўлади. Умид қиламанки, у қадар жиддий эмас.
Очиғи, машғулотларда ҳар томонлама тайёргарлик кўргандик. Пеналтилар бўйича ҳам икки кун давомида ўз устимизда кўпроқ шуғулландик. Машғулотларда қилган меҳнатларимиз ёрдам берди. Лотереяда ғалаба қозониш жуда ёқимли.
Мавсум ёмон ўтгани йўқ. Дастлабки турдан тортиб, сўнгги турга қадар ҳар бир ўйин жуда қизиқарли ва муросасиз кечди. Жорий йилдаги чемпионат анча шиддатли ўтди дея оламан. Чунки чемпионлик пойгаси ҳам сўнгги турга қадар давом этди. Қолаверса, лигада қолиш учун кураш авжига чиққан. Хуллас, мавсум улкан таассуротлар билан якунига етмоқда.
Шахсан мен “Нефтчи”га қарши чемпионатнинг 4-тури жуда қийин кечди. Ўша куни икки марта қўпо хатога йўл қўйдим. Бундан эса рақиб унумли фойдаланиб кетиб, гол урди. Кейинчалик шу хатолар устида тинимсиз равишда шуғулландим. Яна спорт формамти тиклаб олишимга ёрдам бўлди.
Шу ўринда ҳолатга эътибор қаратсам. 2023 йилда “Турон” жамоасида тиззамдан жиддий жароҳат олгандим. Натижада жарроҳлик амалиётини ўтказишимга тўғри келганди. Натижада бир йил давомида футболдан четда қолдим. Шу вақтда “Машъал” клуби директори Илҳом Қурбонов ишонч билдириб, жамоага чақирди. Футболга яна қайтишимга ёрдам берди дея оламан. Фурсатдан фойдаланиб, уларга раҳмат айтаман. Шунингдек, Элдор Исабоев ҳам машғулотларда қўллаб-қувватлади ва ҳолатимни тиклаб олишимга кўмаклашди.
“Машъал” билан 2026 йилнинг охиригача мўлжалланган шартномам бор. Шу сабабли келажагим бор
