Viktor Valdes: “Real Madrid” hech qachon taslim bo'lmaydi”

Futbol 25 apr 2025 da 12:18

Nasrullo Karimov

Kataloniyaning “Barselona” klubi sobiq darvozaboni Viktor Valdes yaqinlashib kelayotgan Ispaniya Kubogi finali haqida fikr bildirdi.

Eslatib o'tamiz, “Barselona” va “Real Madrid” o'rtasidagi bahs 26-apreldan 27-aprelga o'tar kechasi Toshkent vaqti bilan soat 01:00 da start oladi.

“Real”ga qarshi finalda mening tajribam shuni ko'rsatadiki, favoritni oldindan aytib bo'lmaydi. “Real” - ajoyib yulduzlarga ega jamoa.

To'g'ri, klubning mavsum davomida yaxshi va yomon kunlari ham bo'lgan, ammo Madrid hech qachon taslim bo'lmaydi. Ular finalda juda xavfli”, - deydi Valdes.

Ma'lumot uchun, “Barselona” Ispaniya La Ligasining 33-turidan so'ng 76 ochko jamg'argan holda turnir jadvalida peshqadamlik qilmoqda. “Real” esa 4 ochko kam to'plab, ikkinchi o'rinda bormoqda.

Aloqador jamoalar va ligalar

Barcelona

Real Madrid

Ispaniya kubogi