Uilshir «Luton Town» bosh murabbiyi etib tayinlandi
"Arsenal"ning sobiq futbolchisi Jek Uilshir "Luton Town"ga bosh murabbiy etib tayinlandi. Bu haqda klub rasmiy sayti xabar berdi.
Endilikda Uilshirning yordamchisi Angliya terma jamoasining sobiq futbolchisi va murabbiy Kris Pauell bo‘ladi.
"Luton Town"ning bosh murabbiyi bo‘lish — katta sharaf. Bu men uchun to‘liq davradek tuyuladi. Men birinchi marta Luton shahriga bolaligimda kelganimda sakkiz yoshda edim. Hozirda bu yerda bosh murabbiy sifatida ish boshlayotganimdan juda xursandman — jamoani boshqarishni intiqlik bilan kutaman", — dedi Uilshir.
Eslatib o‘tamiz, "Luton Town" mamlakatning uchinchi divizioni bo‘lgan Angliya Birinchi ligasida o‘ynaydi. Uilshir 2022 yilda 30 yoshida jarohatlar sabab faoliyatini yakunlagandi. U murabbiylik faoliyatini “Arsenal”da yoshlar tizimida boshlagan, 2024/25 yilgi mavsumda esa “Norwich City”ni boshqargan.
